Koppelonge


Leewe Franz Müntefering,

Koppelonge könne jod odder schleiht sinn. Dat kütt emmer drop an, woste stehs. So es för zom Beispill de jesetzlech vörjeschreewene Koppelong von de Jaspriese an die för et Pe­trolejom för de Enerjieversorjer ne Säje on för de Verbruhkers e Ärjernes. Dat es op de Lobby zoröckzeföhre, die die Enerjiebajuffe hant. Wenn de Opsechtsrot dem Vörstand en Jehaltserhöhong zoschanzt on de Vörstand wedderöm dem Opsechtrot en höhdere Verjödong zobellicht, so es dat en Koppelong, die beeds als jod betrachte.

Emmer wenn sech Poletekers wies Ehr sech de Diäte erhöhe, sare se, dat dat met de je­steejene Läwenshaltongskoste verbonge es. Wenn et äwwer öm de Rente jeht, so es dat bei Üch plöck verjesse. Deswäje minne Vörschlach an Üch als Sozejalmenester, de Rente an de Diäte anzekoppele. Dann könnder och wedder met briedere Zostemmong von de Bevölkerong rechne, on de SPD moss sech nit lenks von fass alle angere Parteie öwerhole losse.


Nix för onjot. Bes nähste Woch.
Üere
Charle-Manes