do hät Üer Heelichkeet letzde Mond mol wedder so rechtich zojeschlare: Nor Üere Vereen wör de rechtije, alleensellichmachende Kerch! Alle angere –ensbesongersch de Blauköpp– send bestefalls kerchleche Jemeenschafte odder Sekte, zomol bei denne jo och nit de apostolesche Nohfolch jejäwe es. Pafdich! Dat hät jesesse! Jott sei Dank send de Angerschjlöwije äwwer nit janz so entollerang als wies Ehr. Wenn die drop denke on sare, et wör enne ejal, wat Ehr so verzappe doht, kann ech dat jot nohvolltrecke.

De Bejröndong, dat de angere kinn apostolesche Nohfolch hant, es jo och nit rechtich. Üere Kolläch Nazir Gayed Rafail es als Papst Schenouda III de 117. Nohfoljer vom Apostel Markus. Weil dä nit sonne Onsinn verzällt, hät hä em Novämber 2000 von de UNESCO ne Pries för Förderong von Tolleranz on Jewaltlosichkeet jekritt. On weil hä öwermorje och noch met mech zosamme Jebohtsdach hät, es hä mech allemol leewer als Ehr.