Dr Fesch stenkt emmer vom Kopp her


Leev Lütt,

de Taxifahrer hee künne janit so laut klare, wie et enne schleiht jeht. Dat jildet zomennes för die, die för de alde Ennong fahre. Zowennich Konde – zovill Konkerrenz. Em Verjleech zo Rheintaxi e jrotteschleihdes Immidsch on ne Vörstand, dä noh Meenong veeler zo wennich deht. Wat litt nöher als do selvs wat jäje ze donn? So hät sech dann letzde Woch e Jrüppke Betroffene zosammejesetzt on bekakelt, wie mr de Sittewazjon verbessere künnt.

Quintessenz von däm Palawer: Dr Fesch stenkt vom Kopp her. Se mösse selvs jet donn, domet ehr Immidsch besser wöhd. So jowe se sech ne Ihrekodex, wodren se sech zo deselwe Jrondsätz verpflechte wies de Ennong dat schonn met däm sojenannte Sörvis-Taxi jedonn hät. Alles Selvsverständlichkeete, die eejenslech kinner besongeren Herusstellong bedörfe. Dat es so, als wenn Hangkwerker sech verpflechte wöhde, nor noch jode Ärbitt afzeleefere. "Die dont mech leed" fand och Jast Alfred Piegdon von Rheintaxi.


Nix för onjot. Bes nähste Woch
Üere
Charle-Manes