wenn jurendleche Entensiv-Täter hee ehr Onwäse driewe, kömmt sowoll de Politek als och de Jerechtsbarkeet forchbar ent Schleudere. Dr eene weeß nit, wat de angere deht. Do wor Muhlis Arı, alias Mehmet. De Stadt Mönche hät em en de Törkei afjeschowe. Dä hät dann jeklacht, on et Verwaltongsjerecht hät em widder renjelosse. Dann de Bickedorf-Jängster us Kölle. Die wohden trotz erhävlecher Stroftate mar zo Bewährongsstrofe verurteelt. Dr Bondesjerechtshoff hät dat als zo meld enjestoft on dat Urteel opjehowe.

Nohdäm kohz vör Weihnachte en Mönche ne Jriech on ne Törk ne Renter bös zosammejeschlare hadden, jing et en de Poletik als widder dronger on dröwer. Dr brutalstmöchlechste Koch wollt se stonnsfoß noh Huus katapolteere. Ziedongs-Schlachzeile hee am letzde Donnersdach: NRZ: «NRW plant keine Erziehungscamps» on Rheinische Pest: «NRW-Justizministerin für Erziehungs-Camps». Resozjaleseere kammer die och nit. Doför mösste die ehschmol sozjaleseeht sinn. Ja, wat denn nu? Scotty biem se fott!