Op zom Börjerentscheed


Leev Lütt,

am Sonndach künne de Düsseldorwer Börjer zom zweddemol des Johr ehr vörnähmstes Rääsch wohrnämme on wähle jonn. Se dörfe för odder jäje dr Verbliev von dem Jrondstöck Jan-Wellem-Platz zwesche Hoffjahdestroß on Kö-Passasch bei dr Stadt entscheede. De Börjerenizjativ, Ehr on die em Rot vertrodene Parteie hant doför och wedder e Faltblättche zosammejestellt on de Börjer zosamme met de Wahlbenachrechtijong zojescheckt. Dodren hant all och wedder Ehr Stemmempfählong zo Papeer jebraht.

Es es schön fesszestelle, dat de FDP on Ehr samt Üerem Anbädongsvereen von de CDU-Rotsfrakzjon doch nit janz berotongresistens sid. Em Jäjesatz zo däm Faltblättche för de ehschde Börjerentscheed des Johr es jetz die för Demokrate so verqiere Empfählong nimmieh dren, enfach nit zor Wahl ze jonn. Dat ihrt Üch.

Wenner jetz noch henjeht on doht och de angere Fiesnickelichkeete enstelle, die Üch bei Sache, die Üch nit passe, so leecht von dr Hangk jonn, kann dat för Üer politesche Reputazjon nor förderlech sinn.


Nix för onjot. Bes nähste Woch
Üere
Charle-Manes