hee en Düsseldorf jövt et ne Hoope Minsche. Hütt Meddach öm zwölf Ohr woren et all zosamme jenau 588.491 Stöck. Mangs denne wore 32 % Kathole; 19 % Blauköpp; 4 % Muselmännekes. Je ee Prozent jehöhden angere chressleche Jemeenschafte odder sönstije Jlöwensrichtonge aan. För öm de hondert Prozent voll ze kreeje, donnt also noch 45 % fähle. Wä on wo send die? Janz eenfach: Dat jröttste Kreppke belde met 45 % die, die kinn Relejon anjehöre. De jottlossen Ketzer!

Während de Klerikale et emmer verstonn, met vill Tamtam op sech opmerksam mahke, höht mer von de Relejonslosse zemmlech wennich. Dat soll jetz e besske angersch wehde. Doför zomennes setzt sech "De Düsseldorwer Opklierongsdeenst" en. Em Enternet onger "www.aufklärungsdienst. de" ze fenge. Metwerkende dobei send o. a. Schwingenheuers Evche, Creutzens Nadja, Hinzens Carda, Tillys Schack on Klosterhalfens Wolfjang. Die hannt en nüe Veranstaltongsreih ent Läwe jerope, die sech als säkeläre Varijante zo de Joddesdeenste von de Klerikale verstonn deht.

De ehschde Veranstaltong dovon hee en Düsseldorf wor am Mondach des Woch em "zakk…". Ehschde "Prädijer" wor Klosterhalfens Wolfjang, dä us sinn "Reimbibel" vörjeläse hät. Dann kom Frerks Carsten. Dä hät jrod "Dat Vijelettboch von de Kerchefinanze" erusjebraht. Dodrus hät hä ziteeht on dann mem Audetoriom dröwer tispeteeht. Irre, welche Fakte on Zahle hä de "Jemeende" opdösche kunnt. Die zwee Böhk sendet afselot wäht, dat se och nem jrötteren Krees zor Kenntnes jebraht wehde. Wenn eene nit weeß, wat hä schenke soll, so es dat secher en jode Empfählong.