zenger 1978 wohden hee em Rochesklub emmer Tennisturniere usjedrare. Mannschafte us acht verschiddene Länder speelden öm de ATP-Meesterschaff. Dat wohd zo sonn Aht von Tennis-Weltmeesterschaff eropstiliseeht. So hät sech dat jädefalls Klosterkempers Hotte sinnerziet enfalle losse. Anjävlech jowet sojah Räjele, wonoch die acht Mannschafte usjewählt wohde.

Domet de Speeler och werklech antrode, mosste denne natörlech wat jebode wehde. On wat wor et beste Lockmeddel? Kohle – janz eenfach ne Hoope Kohle als Antretts- on Preisjeld. Dozo kome dann noch all de angere Kleenichkeete, die sonn Veranstaltong met sech brengt. So kom jädefalls schnell ne Kawenzmannspöngel von Koste zosamme. Weil dat dörch de normale Ennahme nit jedeckt wehde kunnt, hannt se sech för die Speelerei emmer Mäzene jesöhkt. Die hannt dann doför jesorcht, dat de anjetrodene Profis förstlech entlonnt wehde kunnte. Zoehsch mahden dat de Kosmetiklade Lorejal. Dann kom de Autolade Pöjoh. Zom Schloss woret en Versecherong. Arrack odder so. Die hadden äwwer dann och de Nas voll on dä Sponsoreverdrach opjeköndicht.

Weil de Veranstalter kinne nüe Melkkoh jefonge hät, die dat Koste-Notze-Verhältnes för de jewönschte 1,5 Milljone posetiv erscheen, send se larmojang de Stadt Düsseldorf anjejange. De Verantswohtleche do hadden äwwer kinn Lost, Milljone för de Ongerstötzong von ohnehen öwerbezahlte usländesche Profis ruszeschmieße. So es denn nu dat Tennisturnier endlech bejrowe wohde. Dat Jeld kritt jetz de Fortuna för e nü temporär Stadiom. Wenn et Lena kütt.