et jövt se noch. Schallplatte. Sowoll uralde Schellack-Platte als och nit janz so alde LPs odder Singels. Et läwe noch jenoch Frönde von de analore Tontechnik. So vill, dat sech doför ne eejene Maht entweggelt hät. Öwerall en jröttere Städte jövt et Ladejeschäfte, die met alde Platte handele. Jede Menge dovon wehden och em Enternet anjebode. Kinne Flühmaht, dä nit e usreechend Anjebot von sojet hät. Sojah Nolde för alde Schellack-Schätzchen on Vinyl-Platte send noch ze hann.

Bondeswiet jövdet sojah ne Hoope von Börse eejens för dat Mahtsechment. Eene dovon mäht räjelmäßich en Düsseldorf Stazjon. Veehmol em Johr es de Schallplatte- on CD-Börs em Börjerhuus Reesholz zo Jast. Kappeler Stroß 231. Letzde Schabbes wor de ehschde Termin för des Johr. Offezjell von elf Ohr vörmeddachs bes öm dree Ohr nohmeddachs. De Entrett es frei. Äwwer mr kann och schonn jet fröher komme on mem Schnöwe bejinne. Janz noh'm Motto "De fröhe Vorel fängt de Worm". Och die, die später komme, bruche sech kinn Sorje ze mache, et wöhd emmer jet öwerzore. Kinne Dösch en Saal on Fojeh, dä nit voll wor met alde Schätzkes. Vill Schnäppches för ne halve €URo. Jesöhkte Raretätches brachden et Miehfache vom alde Nüpreis erin.

Metmache kann malk, dä sech von sinn Sammlong/e trenne well. Enfach em Börjerhuus anmelde (Tel. 0211-74 66 95). De Standjeböhr es 4 €URo je anjefangene Meter. De nähsden Termine des Johr send am 17. Mähz, 8. Septämber on 10. Novämber. Wäm de Eenzelverkoof zo möhsam es, kann op de Börs och Kontakt met de Verkööfers do opnähme. Die send döckes am Ankoof von janze Poste zo nem jönstije Pauschalpreis entresseeht. En jäde Fall es en Vörratslest hölpreech.