letzder Ziet ereechne sech hee Denge, die mr so eejenslech nit erwahdet hät. Zoehsch em Owerlandsjerecht. Dat hät en nem Prozess entschiede, dat Fotos von nem Beuys-Häppening nimmieh öffenslech jezeecht wehde dörfe. Weil, dat wör ne Enjreff en dat Werk. Mr mösst doför de Erlaubnes vom Könsler odder sinn Erwe hann. Dat es so praxisfähn, dat mr nor hoffe kann, dat de Bondesjerechtshoff dat schnellsdens revedeere deht. En letzde Konsequenz wöhd dat bedüde, dat alle Fotos, Felmches odder Berechte von Veranstaltonge als Enjreff en dat Werk anjesünn wehde künnte. Wä wöhd noch e Foto von nem Konswerk mache, wennert nit veröffensleche darf?

Dann hammer dat alde Stadtbad Mönsterstroß. Dat es noch en opwändije Restorazjon zor Therme hochstiliseeht wohde. Demmentsprechend soll do och jet Besongersch jebode wehde. So hät de Bäderjesellschaff för Medde Jannewar als ehschdes zo en Ongerwasser-Oper enjelode. Beem Stöck "AquAria_PALAOA" wor de Vörstellong tatsächlech usverkooft. Eemol op der Jeschmack jekomme, hannt se dann noch e Ongerwasser-Konzäht nohjeschowe. So hät dat "H2eau Aquaphonie"-Orchester met ehrem "Waterdrum"-Ongsombel do och noch e Konzäht jejowe. Jot besöhkt.

Domet semmer met de Döllerei noch nit dörch. Die i-Tüppelches hät IDR-Baas Pröpper jesetzt. Dä hät nit nor verschiddene CDU-Partys bezallt, songern op Anfroch von Börjermeester Conzen de CDU noch 6.000 € jespendet. Als et sech de Illejaletät dovon nimmieh verschleiere leeß, hät sech de CDU dat Jeld öwer en IDR-Dauterferma zoschostere losse. Onrääschsbewosstsinn hät de Düs­seldorwer CDU dobei jenau so wennich wies Bondesbaas Wulff bei sinn Akzjone lans de Jesetze.