so schön kalt wies en de letzde zwee Woche hadden mer et hee en Düsseldorf schonn zenger Johrenden nimmieh. Rechtich schön Wenterwäder. Kalt, Sonnesching on nit zovill Wengk. Idejal för Spazeerjäng. Jot, mr kunnt nit Schleddefahre. Äwwer doför prima Iesloope. De lange Frostperjod hät de Deeche on Weihers röm on töm Düsseldorf schön zofreere losse. Decke Iesdecke lade zom Iesloofverjnöje en. Pflechtjemöß hannt Füerwehr on Jahdeamp drop opmerksam jemaht, dat dat jefährlech sinn künnt. Malk, dä oppet Ies jeng, wöhd dat op eejene Jefahr donn. Vörbeujend send an de zojefrorene Jewässer 82 Warnschelder opjestellt on 42 Iesleddere usjeläht wohde.

Mr moss bei de Iesfläche e besske ongerscheede. Et jövt ongerscheedleche. Jefährlech send die öwer fleeßende odder deefe Jewässer. Mieh odder wennijer onjefährlech send die öwer stiehende Jewässer, zomol wenn die nit allzo deef send. Zo Letzdere zälle vör allem öwerflotete on dann zojefrorene Uferzone lans em Rhing. För zom Beispill de Ohdebacher Kämp, woste em Idejalfall von Benroth us bes noh Boomberch loofe kanns. Kö-Jrawe odder Speejelweiher em Benroder Schloss­park. Wennste do enbreche wöhds, wöhdste nit versuffe. Nasse Föß on ne Pips wör alles.

De Spaß, den de Pänz bei sonnem Iesverjnöje hannt, es onbezallbar. Noch johrelang späder donnt se sech dodraan zoröckerennere. Zomol et denne nimmieh verjönnt sinn wehd, eemol öwer de Rhing ze spazeere. So wie ech. 1942. Zosamme met minn Jroß selich. On och för öm jet Ähnleches ze erläwe wie de Hamburjer Pänz, die öwer de zojefrorene Alster loope dörfe, wöhdet hee en Düsseldorf nit komme. Doför sendse hee vill zo schessich. Eejenslech e besske schad dröm.