Erpressong dörch Kleenjewerkschafte


Leev Lütt,

et es secher Zofall, dat zwee Ereechnesse en de Karnevalsziet jefalle send, die met Narretei wennich ze donn hannt. Eemol Raffke Wulff. Dä hät wäjens dem Andrach von Prokrater Emterböömer op Ophäwong von sinn Emmunetät et Hangkdoch schmieße mösse. Zom angere deht widdermol en Spartejewerkschaff op dr Potz haue. Die von de Flochsecherong. Die hät janz em Stil von angere Minijewerkschafte wies die von de Lokföhrer, von de Pilote, von Flochbejleiter on –lotse, von de Marburjer Ähzde so hohe Forderonge jestellt, dat denne ehre Brötchesjäwer sech erpresst föhlt. Weil Erpressong nu äwwer strofbar es, fröcht mr sech, waröm donnt die dat trotzdäm? Dat es eso:

En de Urdeele vom 27. 01. on 23. 06. 2010 hät dat Bondesärbiedsjerecht entschiede: "Et jövt kinne öwerjeordnete Jrondatz, dat för verschiddene Ärbiedsverhältnesse von deselwe Aht en eenem Bedriev nor eenheetleche Tarifräjelonge zor Anwendung komme künne". Domet es dat böwerschde Ärbiedsjerecht von sinn besherije Rääschssprechong us 2001 on 2006 zom Jrondatz von de Tarifeenheet afjeweche. Dat also es de Basis, op welche de Minijewerkschafte ehr Züppkes koche.

De Sittewazjon es vertrackt. Et stellt sech nit nor dr Hondtleng als Baas von de Ärbiedjäwer de Froch, wie dem Probläm beizekomme es. Da kannste hen- on hersimmeleere sovillste wells, et jövt nor een eenzije Lösong: Änderong von de entsprechende Jesetze. Dat es als lang bekannt. Waröm es trotzdäm nix passeeht? Janz enfach. Mr hannt en chresslech-liberale Koalezjonsrejalt. Weil de Metjlieder von de zerka 40 Minijewerkschafte zo de Besserverdeenende jehöre, es denne ehre pollitesche Ärm, de Dree-Pönkches-Pahtei, dojäje, dat dodraan jet jeängert wöhd. So es dat!


Nix för onjot. Bes nähste Woch.
Üere
Charle-Manes