de Hafe an de Uferstroß en Holthuuse deent e paah Ongernähme ussem Düsseldorwer Söde als Ömschlachplatz. An ehschde Stell de Ferma Henkel us Reesholz. Deswäje heeßt hä woll och Reesholzer Hafe on nit Holthuuser Hafe. Ejal. Em Jebiet röm on töm de Hafe on lans de Stroß “Am Trippelsberch“ es dörch Fermeömzöch, -schleeßonge on -pleite pö-a-pö en Endostriebrache entstange. Siddens de Stadt Düsseldorf jowet doför als lang schonn e paah Notzongsplän. Alle dovon dohden de Plan vom ihemolije Owerbörjermeester Erwin beënhalde, dä lans em Rhing ne löckenlosse on ufernohe Rad- on Wanderwäch von Ohdebach em Söde bes Wittlar em Norde vörsoh.

Kinne von die Plän es jedoch rejaleseeht wohde. Woröm och emmer. Dat jäddefalls hät e Kreppke von entresseehde Ferme jenotzt. Henkel, de Nüss-Düsseldorwer Häfe, Demag Cranes on Jottwald. Die wolle do eene von de modernste Bennehäfe Europas errichte. E Kawenzmannsprojekt. Anjesechts de heftije Börjerproteste bei Projekte wie de CO-Liedong von Bayer odder de Bahnhoff Stuttjart 21 hadden de Projektler vörsechtshalver för am 26. Mähz 2012 zo nem sojenannte „Börjerdialoch“ enjelode. Do jov sech dann en hochkarätije Veererbande von de bowe jenannte Ferme alle Möh, de erscheenene Börjer ze verklickere, waröm dat Projekt jot on alternativloss sei.^

En de anschleeßende Tiskussjon wohden von de anwesende Börjer ne Hoope von fondeehte Enwänd on Zweifel zo dem Projekt jeüssert. De Veererbande hät sech alles opnoteeht on versproche, dat met en ehr Öwerläjonge enzebetrecke. Wat och emmer dat bedüdet. Denn schonn beem anjesprochene Problem met däm ufernohe Rad- on Wanderwäch hielt mr sech sichtlech zoröck.