De Vernonft walte losse


Leev Lütt,

Sonndach, 13. Mai 2012. Dat es ne janz besondere Dach. Manes Meckenstock wöhd 53. Jlöckwonsch! Och mi Altarjeschenk hät Jebohtsdach. Dann fällt des Johr och Motterdach op dä Sonndach. Weil, dat es dä zwedde Maisonndach. Dat es dä Dach, wo de Blömches emmer so düer wehde. Deswäje moss ech, en Jöhr wo dat zosammefällt, entswäder jet deefer en minne Kurantebüdel lange odder drusse en de Nator ne schöne Feldblomestruuß zosammesöhke jonn.

Dann hammer och noch Landdachswahle. 17 Pahteieop’m Wahlzeddel. Mangs denne och sonne, von denne mr vörher noch nix jehöht hät. Stellt sech de Froch, wat sollmer wähle? Breefwähler hannt e besske mieh Ziet för öm ze öwerläje. Wohenjäje et för „normale“ Wähler jet schwierijer es.

CDU jeht nit, weil die ons Jeld an de Hellene verschleudere. SPD jeht nit, weil et bei dä ehr Kraft mar zor Scholdekönijinreecht. F.D.P. jeht onnit, weil ech kinne Hoteljeh ben. Jröne jeht nit, weil denne ehre Baas Özdemir nit ihrehaft es (Flochmeile on Foßballkahde). Lénke jeht nit, weil denne ehr Vörstand Wasser prädicht on Wing süppt. Pirate jeht nit, weil Protest alleen kannet jo och nit sinn. proNRW kritt wohrschinglech Zoloof, weil die de Salafeste enttarnt hannt. NPD met de jlatzköppije Dompfbacke jeht och nit. Dierschotz jeht nit. Weil, brengt minn Mösche nix. Famillich es zo eensiddich. BIG es de Törkepahtei. De Pahtei es ne Jemeschtwarelade. De ÖDP es jädefalls besser als de Jröne. FBI es ne Zosammeschloss von Freie Börjer-Enizjative – dörchus wählbar. AUF es mar för chressleche Klerikalfascheste. Freie Wähler konkorreere mem FBI. Dann de Vernonft: Denne ehr Projramm hät mech am mieschde öwerzeucht. Also waröm nit de Vernonft walte losse?


Nix för onjot. Bes nähste Woch.
Üere
Charle-Manes
 
Stimmzettel