met “kleen äwwer feen“ deht mr woll am treffendste dat Düsseldörper Mangnettethiater em Paläh Wittjesteen bezeeche. Eens von de entzöckendste Kultorenstetute die mr hee hannt. Dat Thiater kömmt ursprönglech us Kölle. Jejröndet 1925 von de Bröder Manne on Franz Zangerle. Bedengt dörch de Werre em Zwedde Weltkriech mosst de Famillich Zangerle von do fotttrecke. 1954 fand se zoröck ent Rheinland. Desmol äwwer noh Düsseldörp. Hee wohd dann de Familljetradezjon widder opjenomme. So starteden Zangerles 1956 an de Wallstroß 33 met ehrem Thiater Rheinescher Marjonette. De Zangerle-Senjore wohden dobei schon kräftich vom Manne sinnem Filijus Winfried ongerstötzt, dä die Poppethiater-Leedeschaff von Vatter on Ohm je’ervt hadden. 1966 zoch dat Thiater dann en sinn jetzije Speelstätt em Paläh Wittjesteen en de Carlstadt öm.

Nochem Dot von Zangerles Winfried (1980) wohd Bachleitners Toni us Bad Tölz nüe könsleresche Baas vom Thiater. 1986 startete hä –enzwesche Prenzepal– en beendrockende Opföhrongsreih von ansprochsvolle Stöcke us de Weltlittrator. Mangs denne och eenije us de Fäder von Michael Ende. So wor 2002 Premjähre “Momo“. Widderopföhrong 2013 am 23. Jannewar. Ech hann mech de Vörstellong anjeluert. Et wor ne Jenoss. De poppetechnesche Ömsetzong von däm volume­nöse Stöck widder voll jelonge. Doför wohden och de spezjelle Möchlechkeete, die so e Fijurethiater bietet, jekonnt enjesetzt on jenotzt. Schonn droomhaft ze sünn, wie Momo on sinn Frönde de “Jraue Häre von de Zietsparkass“ et Förchte liehre. De Appelaus för de Strippetreckers voll verdennt. Dat Stöck es jlichermoße för Äldere als och för Schollkenger je‘eechnet. Joht hen on losst Üch verzaubere. Et lonnt sech. Dat Stöck löppt noch bes zom 24. Feberwar des Johr.