E paar Jedanker zom Thema
"Alaaf" on "Helau" als Narreröf
 

Leev Närrinne on Narre,

mer striefe kohz dat Thema "Karnevalestesche Narrerofe". Dovon jövdet ne Riesehoope. Die send von Rejion zo Rejion ongerscheedlech. De bekanntsden dovon send onzweefelhaff "Helau" on Al aaf". On öm die beeds wolle ons jetz kömmere.

Also, em karnevalestesche Bermudadreieck zwesche Ooche, Bonn on noch sonn ömmelije römesche Siedlong am Rhing jröle se em Karneval emmer "Al aaf" on fende dat lostich. Villeecht, weil se do soweso nimmieh alles draan hannt. Denn "Al aaf" kömmt werklech von "Alles ab". Dat wolle die do äwwer nit wohrhann. Weil se jedoch kinn angere Erklierong hannt, on och nit wesse, zenger wann dat so es, flöchte se sech enfach en de Floskel "Dat wor schonn emmer esu". Na ja, wenn se domet jlöcklech wehde…

En Määnz, Frankfort on hee rofe se stattdesse "Helau" on fende dat och lostich. Met däm "Helau" verhält et sech jenau ömjekieht. De Helauerer wesse nit, wat et bedüde soll; äwwer se wesse, sit wann dat eso es.

Also, manche motmoße "Helau" köm vom englesche "hällou". Angere meene, dat wör en Verballhornong von "Halleluja", von "hellblau" odder von "halbblau". On sojah dä alde Fährmannsrof "hol öwer" wöhd bemöht. Doch –wies schon jesaht– nix Jenaues weeß mr nit. Doför äwwer wannet jefange hät.

Zoröckföhre lött sech dat jenau oppet Johr 1833. Do wohd owends op'm Burchplatz dat Maskespill "De Verlowong des Hans Wohsch onger 'Helau' on 'Habou' met dem Frollein Anne-Dörken Petronella Weechbuse" opjeföhrt. Dat 'Helau' von die Opföhrong do wor de Start vom Düsseldorwer Narrerof "Helau". Wo dat 'Habou' afjebleewe es, weeß mr nit. Donoch wöhd noch jesöhkt.

1935 wor en Määnzer Fassenahtsafordnong hee zo Besöhk beem Rosemondachszoch. Die fande dat "Helau" so jot, dat se dat opjejreffe on 1937 oblijatoresch en Määnz enjeföht hannt. De Frankforter hannt sech dann jet späder däm anjeschlosse.

So, nu wessder dat och.

Nix för onjot.
Üere

Charle-Manes