Stadtwerke on Stadtwerke es ne Ongerschied


Leev Lütt,

als alde Düsseldorwer ben ech och schonn zenger Ewichkeete bei de Düsseldorwer Stadtwerke. Ohne ze murre, hann ech emmer denne ehre Rechnonge bezallt. On och denne ehre räjelmäßije Preiserhöhonge hann ech bes jetz widdersprochsloss jeschlockt. Nu kom denne dat Jesetz von de ernüerbare Enerjie jot zopass, för öm de Strompreis för zom nüe Johr widder jet ropzesetze. Dat hät dann äwwer dat Fass zom öwerloope jebraht. Wollemer doch ens kicke, off dat nit bellijer jeht.

Et Finanztest-Heft 11 us 2010 jenomme on dann zom Testsiejer bei de Preisverjleechsrechner em Enternet (verivox.de) jejange. Postleitzahl on Verbruch enjejowe. Enter! Ratzfatz hät dä drop en Kawenzmannslist anjezeecht met alle Stromversorjers, die jönstijer send. Donnerlitsch, wat soll ech sare, onse Nohber, de Stadtwerke Erkroth, wore de beste. Kinn Vörkass, kinn Kauzjon, kinn Mendestloopziet, kinne kondijoneehde Nükonderabatt odder sojet. Öwer 16 % bellijer! Dat Verfahre es enfach: Formular us denne ehre Heemsitt (stadtwerke-erkrath.de) usdrocke, usfölle on dann zoschecke. Entswäder per Post (Jrütener Stroß 27), Fax (02104-943 60-78) odder eMail.

För öm nix verkiehrt ze mahke on weil ech noch e paah Frore hadden, ben ech dohen jejöckt on hann do däm Wieks Dätes minne ongerschreewene Andrach persönlech öwerjowe. Dat woret och schonn. Alles angere jeht automatesch. Nor noch am Stechdach de Zähler afläse on denne tellefonesch, per Fax odder eMail (detlef.wiek@stadtwerke-erkrath.de) dörchjäwe. Do bruchs och kinn Angs ze hann, em Donkle ze stonn, wenn en Störong es. Störonge mösse wies besher de Düsseldorwer behäwe. Weil, doför kreejen die nämmlech de Dörchliedongsjeböhr von de Erkroder.


Nix för onjot. Bes nähste Woch.
Üere
Charle-Manes