Verschwendonge von öffensleche Jelder


Leev Lütt,

beem Ömjang met öffensleche Jelder fälldet de doför Verantswohtleche leecht, sech jroßzöjich ze jereere. Weil, et send jo nit ehr eejene Moppe, die se do verdeele. Do wehden natörlech och jähn befröndete Kreppkes bedeent. Och solche, wo et nit anjebraht es. En Düsseldorf deht mr sech zom Beispill leecht domet, de heemesche Profisport ze souteneere. Et wöhd dobei nit groß jepröft, off et sinnvoll es, Vereene ze ongerstötze, die wäjens de öffensleche Zowendonge kinne Zwang sünn, wehtschafflech ze ärbiede. Deswäje esset dörchus ze bejröße, wenn de Stadt jetz henjeht, on de Profivereene dr Jeldhahn zodriehe deht. Anjefange hät mr domet beem HSG, nem Vereen us de zwedde Handball-Lija. Hoffenslech folje Fortuna, de DEG, de Jiants on Borussia bald noch.

Ne Nommer jrößer zo jehdet beem enternazjonale Foßball. Do hät jetz dat 2DF als widder beem Wettbewerv för dat Rääsch Schämpijongslija-Speele ze öwerdrare, kräftich metjemescht on 50 Milljone doför jebode. Rusjeschmesse Jeld. För nix on widder nix. Denn all die Speele hädden de Zoschauer ohnehen sünn künne – bei de Private. On met 50 Milljone mieh en de Täsch hädden se och nit nödich jehatt, ons emmer met dömmleche Reklameenblendonge ze nerwe.

Dann de Fall Moni Lierhuus. Die ARD-Fähnkicklotterie hät op Enizjativ von ehrem Läwenspartner Rolf Helljardt met de ihemolije Sportmoderatorin ne Werbeverdrach afjeschlosse. För eemol de Woch en Veehdelstond Vörläse jövdet 450.000 €URo pro Johr! Cui bono? Wickerts Uli hät för sinn Werbong doför fröher mar e paah Freilose jekritt. Dat obskure bei die Sach es, dat dadörch kinn nüe Konde jenereeht wehde, songern janz em Jäjedeel: Vill alde Konde hannt ehr Abo jeköndicht.


Nix för onjot. Bes nähste Woch.
Üere
Charle-Manes