mer wore op Urlaub. En Rondreis mem Äutoke dörch Schottland. Veranstaldet von de Fährjesellschaff DFDS-Seaways. Zoehsch noh Amsterdam. Do op denne ehr Pont: De Princess Seaways. Ne Kawenzmannsdamper us 1986. Ofwoll 2006 total renoveeht, kütt hä an de Qualetät von de Color-Line-Ponte nit dran, met die mer letzt Johr von Kiel noh Oslo on zoröck röwerjejiert hannt.

Usscheffe am nähste Morje en Nordengland. Dann jenget loss. Dodesmotich hät sech minn holde Isolde en de Lenksverkiehr jestöhzt. Em Nawi de Enstellong "Schöne Route" jewählt. Alle Sehenswöhdichkeete enprojrammeeht, die rähts on lenks vom Wäjesrangk lore, on aff jeng et lans de Adrejans-Muur von de Ost- zor Westköst. Hotel bei Jretna Jrön. Bes op et "Winnock" en Dry­men wore alle Hotels picobello. Schottesche Fröhstöcks (met Häggis) reech- on kösslech. Dann lans de Köste noh Norde. Von do us en de Highländs zo Nessie am Loch Ness. Mer hadden Jlöck mem Wäder. De Landschafte droomhaft schön. Nerjens Jraffitis an de Wäng. Burje on Schlösser, Kerche on Abteie en Mass. Et jov alles: Vom vörchressleche Jräwerfeld bes zo Lisbeths Sommerpalast Balmoral. Urjemötleche Pinte. Lecker Jinness. Wä qualme wollt, driehden sinne Bierdeckel op lenks (Opschreft: "Loss mi Jlas stonn, ech ben kohz erus för en Zarett.") on jeng vör de Dör.

Ne Höheponkt och de Whisky-Wäch. Von een Destille zor nähste. Besechtijonge on Verkostonge. Weil dat Züch do äwwer vill düerer als wies bei ons, kööft mer et am beste hee. Wenner Leste met de aktejelle Noteeronge för dä Stoff hann wollt, scheckt kohz en Mail. Dat es Sörvis on koss nix.